მსოფლიოს არაერთ ქვეყანაში ნარჩენების მართვა უკვე ეკონომიკური განვითარების ნაწილად განიხილება. გადამუშავებული მასალები გამოიყენება სხვადასხვა ინდუსტრიაში, წარმოებაში და ინფრასტრუქტურაში. ეს მიდგომა ამცირებს ბუნებრივი რესურსების მოხმარებას და გარემოზე ზეწოლას.

დღეს, როცა გარემოს დაცვა ერთ-ერთი ყველაზე აქტუალური საკითხია, განსაკუთრებულ მნიშვნელობას იძენს ნარჩენების სწორად მართვა. სწორედ ამ მიზანს ემსახურება „თეგეტა გრინ პლანეტი“ - თეგეტა ჰოლდინგში შემავალი კომპანია, რომელიც აქტიურად მუშაობს სპეციფიკური ნარჩენების შეგროვებასა და გადამუშავებაზე.

საქართველოში ყოველდღიურად წარმოიქმნება ათასობით ტონა საყოფაცხოვრებო და ინდუსტრიული ნარჩენი, რომელთა მართვა ერთ-ერთი ყველაზე აქტუალური ეკოლოგიური და სოციალური საკითხია. ამ პროცესში სულ უფრო მნიშვნელოვან როლს იძენს მგვ ორგანიზაცია, რომელიც გულისხმობს, რომ მწარმოებელი პასუხისმგებელია საკუთარ პროდუქტზე მისი სრული სასიცოცხლო ციკლის განმავლობაში - მათ შორის, მოხმარების შემდეგ ეტაპზეც.